19 октябрьдә бөтен дөнья татарлары, күмәкләшеп, ана телебездә диктант язачак. Әлеге акциягә ХМАО – Югра төбәгенең Когалым шәһәрендә яшәүче милләттәшләребез дә кушыла. Бу хакта Сургут татарларының социаль челтәрдәге сәхифәсендә хәбәр ителә.

Акциядә, яшенә һәм белеменә карамастан, теләгән һәркем катнаша ала. “Татарча диктант” аша туган телне белү дәрәҗәсен бергәләп тикшереп карыйк. Туган телебездә аралашыйк, сөйләшик, языйк!