22 мартта Красноярскидагы “Йолдыз” вокаль-хореографик татар халык ансамбле төзелүенә 25 ел тула.

Шушы ике дистә ярым елда ансамбль Красноярск төбәгендә яшәүче милләттәшләребезне иҗатлары белән куандыра, крайның иң ерактагы почмакларына барып концертлар бирә. Елына татар артистлары башка шәһәр, бистә, авылларга чыгып унбишләп концерт биреп кайталар. Соңгы ун елда һәр Сабантуйда “Йолдыз” чыгышлар ясый. Крайда үткәрелүче һәр чарада ансамбль көтеп алынган кунак.