Бүген, Ватан Геройлары тантанасында Россия Президенты Владимир Путин яңа президентлык сайлауларына барачагын белдерде. Ил башлыгының әлеге адымын беренчеләрдән булып Татарстан Республикасы Рәисе Рөстәм Миңнеханов хуплап, Владимир Путинның безне берләштереп торучы төп көч булуын ассызыклады.
Бөтендөнья татар конгрессының Милли Шурасы  ил башлыгы Владимир Путинның яңа президентлык срогына кандидатурасын тәкъдим итүне хуплый. Илебезнең тынычлыгы, аның тотрыклы сәясәт алып баруы һәрвакытта да ил башы җилкәсенә төшә торган үтә катлаулы һәм зур җаваплылык сорый торган хезмәт. Россия дәүләтендә гомер итүче 190тан артык милләт вәкилләре бер-берсен аңлап, уртак максат-бурычлар белән яшиләр икән, димәк халыклар дуслыгы, илебез өчен, киләчәк көнебез өчен без тыныч була алабыз.