Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Кемерово шәһәрендә. Биредә 26-27 июньдә Кузбассның 300 еллыгын бәйрәм итү кысаларында Халыкара шахтерлар Сабантуе узачак.

Бәйрәм программасында төрле чаралар: иҗат коллективларының концерт чыгышлары, милли көрәш, милли хуҗалыклар күргәзмәләре, кунаклар өчен конкурслар, ат чабышлары һ. б. планлаштырылган.