«Минем Татарстан» — Татарстан географиясе, мәдәнияте, тарихы һәм хәзерге чынбарлыгына бәйле Википедия өчен мәкаләләр язуга багышланган тематик марафон-бәйгедә һәр татар катнаша ала. «Татар-информ» мәгълүмат агентлыгында узган очрашуда проектны оештыручыларның берсе Фәрһад Фәткуллин әлеге бәйге турында сөйләде.
«Минем Татарстан» Татарстан Президенты каршындагы татар телен саклау һәм үстерү мәсьәләләре комиссиясе белән берлектә барлыкка килгән проект. Ул 15 декабрьдә башланып китәчәк һәм 20121 елның 31 гыйнварына кадәр дәвам итәчәк.
— Проектта һәр татар катнаша ала. Катнашучыларга татарча Википедиягә әлегә кадәр тасвирланмаган, Татарстанга бәйле мәкаләләр язу мөмкинлеге бирелә, — диде Фәрһад Фәткуллин.
