Милли үзенчәлекне бигрәк тә чит илдә яшәүче ватандашлар саклап калырга тырыша. Минскидан Лумповлар гаиләсе бу сүзләрнең дәлиле булып тора.

Шушы көннәрдә Тимур Лумпов үзе укыган мәктәбендә Татарстан Республикасы турында мәгълүмат бирде. Тимур татар халкының гореф-гадәтләре, милли аш-су турында сөйләп кенә калмыйча, сыйныфташларын чәкчәк белән сыйлады. Чәкчәкне оныгына Тимурның әбисе – Мәдинә Касыймова пешереп бирде. Барлык балалар да презентациядән, бигрәк тә тәмле татлы ризыктан бик канәгать калдылар.