Мөслим туган як музееның күргәзмәләр залында якташыбыз, шагыйрь Рифкать Гәрдиевны искә алу кичәсе булды. Чарага Чистай һәм Бөгелмә шәһәрләреннән кунаклар җыелды.

Кичә башында Рәсих хәзрәт тарафыннан Рифкать Гәрәйхан улының рухына дога кылу белән башланып китте. Истәлекле кичәдә Гардиевның шигырьләре яңгырады, экранда фотосүрәтләре күрсәтелде. Чарада катнашучылар аның турында истәлекләр белән уртаклаштылар. Шагыйрьне күз яшьләре, моңсу елмаю һәм бик күп яхшы сүзләр белән искә алдылар.

Фотолар Мөслим туган як музее архивыннан

Чыганак: muslumirc.ru