Каюм Насыйри институтының Санкт-Петербург мәдәни-мәгариф үзәгендә татар теленең беренче дәресе узды. Катнашучылар татар телендә җәйге тәэсирләре белән уртаклаштылар. Балалар дәфтәрләрдә һәм тарату материаллары белән эшләделәр. Фигыльләр кабатланды. Өйдә әзерләнгән гади һәм аңлаешлы текстларны кычкырып укыдылар. Дәрес “И туган тел” җыры белән тәмамланды, олылар да, балалар да кушылып җырлады.