Семипалатинскта татар сәнгать мәктәбе өчен бина булдыруда Татарстан матди ярдәм күрсәтәчәк. Бу хакта Казахстанда Татарстанның вәкаләтле вәкиле Денис Вәлиев Көнчыгыш Казахстан өлкәсе җитәкчесе Даниал Әхмәтов белән очрашуда әйткән.
Әлеге мәктәп Семипалатта 1992 елда ачылган. Анда ел саен төрле милләттән булган йөзләп бала җыр, хореография, баян, фортепиано, гатара, домбра һәм скрипкада уйнарга өйрәнә.
