Бүген, 1 ноябрь, Бөтендөнья татар конгрессы бинасында Россия Федерациясендә Гаилә елына һәм Бөтендөнья татар конгрессы Милли Шурасы тарафыннан игълан ителгән Шәхесләр елына багышланган Бөтенроссия «Шәхес» дәрестән тыш чаралар методик эшләнмәләре бәйгесе нәтиҗәләре буенча бәйгедә җиңүче укытучылар һәм тәрбиячеләр белән онлайн-очрашу узды.

Бәйге 2024 елның 1 сентябреннән 30 октябренә кадәр Бөтендөнья татар конгрессы тарафыннан Татарстан Республикасы Мәгарифне үстерү институты белән берлектә үткәрелде.

Очрашу барышында беренче урынга лаек булган  Руслан Есенбаев (Әстерхан өлкәсе) бәйгене оештыручыларга рәхмәтләрен җиткерде һәм татар теле бары тик түгәрәк буларак укытылган төбәкләрдә укытучылар өчен шундый бәйгеләрнең мөһимлеген ассызыклады.