Бүген, 3 сентябрь көнне, Региональ “Ак калфак” татар хатын-кызлары иҗтимагый оешмасы рәисе, Идрисова Кадрия Раес кызы эш сәфәре белән Тәтеш районының Жуково, Бакырчы авылларында булды.Очрашуда Тәтеш районы “Ак калфак” оешмасы җитәкчесе Сафиуллина Римма Гомәр кызы, һәм оешма әгъзалары катнашты.
26нчы сентябрь көнне “Сәламәт милләт” фәнни-гамәли конференция кысаларында узачак Бөтенроссия “Татар чәе” бәйгесенең йомгаклау өлеше биредә узу сәбәпле, чарага әзерлек эшләре бара. Программаның маршруты билгеләнде.
Бакырчы авылында Кадрия Раес кызы авыл чишмәсе, мәдәният сарае һәм заманча төзекләндерелгән мәктәп һәм авыл фитнес-залына сәяхәт кылды, җирлектә җитештерелә торган чәйләр белән танышты. Шулай ук ул “Ак калфак” җитәкчесе ярдәмчесе белән Олы Әтрәч авылына килде. Биредә Васыйл һәм Мәрзия Юнысовлар тарафыннан үз хисапларына төзекләндерелгән Уракчы чишмәсе һәм Гайнетдин чыгышының тарихы белән таныштырдылар.
