Пермь крае губернаторы Фонды грантының беренче конкурс кысаларында җиңү яулаган “Татар кызы мәктәбе” проекты Пермь шәһәрендә үз эшен башлап җибәрде.
Проект дәресләрендә хатын – кызларыбыз милләтенең гореф – гадәтләре белән генә танышып калмый, үз – үзеңне нәфис тоту рәвеше кагыйдәләре, өй эшләре серләренә дә төшенәчәкләр. Беренче дәрестә үк катнашучыларга көндәлек һәм уку планы таратылды.

Уку азагында кызларыбыз үзләштергән белемнәре һәм уңышлары белән бүлешеп, концерт программасында катнашачак, яуланган уңышлары өчен истәлекле бүләкләргә ия булачаклар.