Татарстан районнарында «Мин һәм минем тәрбияләнүчеләрем татарча сөйләшәбез» исеме астында мәктәпкәчә белем бирү оешмаларының рус телле тәрбиячеләре арасында республика конкурсының сайлап алу турлары уздырыла.

Иң яхшы эшләр республика этабына юнәлтеләчәк, анда жюри «Мин татарча сөйләшәм һәм эшлим-2014» һөнәри осталык бәйгесе призерларын һәм җиңүчеләрен сайлап алырга тиеш булачак. Җиңүчеләрне дипломнар, сертификатлар, акчалата премияләр һәм кыйммәтле бүләкләр көтә. Сертификатларны татар телен үзләштерүгә сәләтләр күрсәтү өчен шартлар тудыруга юнәлтелгән бәйгенең барлык катнашучылары алачак, дип хәбәр итә “Татар-информ” МА.