ТР Милли китапханәсе Яңа ел чаралары программасын тәкъдим итте. 2-10 нчы гыйнварда казанлыларны китап саклагычка экскурсияләр, квизлар, мастер-класслар, лекцияләр һәм диджейлар чыгышы көтә.
Көн саен китапханәгә килүчеләр Илгизәр Хәсәновның «Коллекционер» һәм Альфрид Шәймәрдановның «Айның караңгы ягы» күргәзмәләрен һәм Surat фотокүргәзмәсен карый алачак. Шулай ук көн саен 13:00 һәм 17:00 сәгатьтә китап саклагычка экскурсия уздырылачак. Керү билетлар буенча башкарылачак.
2-5 нче гыйнварда һәм 8-10 нчы гыйнварда 14:00 сәгатьтә яшь казанлылар өчен «Әкият артыннан әкият» библиоквизы уздырылачак. Керү билетлар буенча башкарылачак.
Чәршәмбе көнне, 4 нче гыйнварда, ТР Милли китапханәсендә «Сезон» киноклубы очрашуы узачак. Катнашучылар бер ел эчендә нәрсә караганнары турында сөйләшәчәкләр һәм киләчәккә планнары белән уртаклашачаклар. Очрашу 12:00 сәгатьтә башланачак, алдан теркәлергә кирәк. 18:00 сәгатьтә музыкаль кич башлана. Тамашачылар алдында Казан композиторы Булат Абдуллин чыгыш ясаячак. Ул үзенең «AB» музыка проектын нео-вестерн, нео-соул, нео-дискода тәкъдим итәчәк. Алдан теркәлергә кирәк.
«Читашки» балалар китап клубының кышкы тылсым темасына очрашуы 5 нче гыйнвар 11:00 сәгатькә планлаштырылган. Очрашуда педагог Наталья Бородина Нина Дашевскаяның «Кышкы мастер» китабы турында сөйләячәк. Теркәлү сылтама буенча ачык. Шул ук көнне 15:00 сәгатьтә инглиз теле буенча мастер-класс узачак. Катнашу бушлай, алдан теркәлү узарга кирәк. Шулай ук 5 нче гыйнварда 18:00 сәгатьтә фильм күрсәтәчәкләр, ә 18:15 сәгатьтә Funny bunny клубы очрашуы башланачак. Керү ирекле.
6 нчы гыйнварда ТР Милли китапханәсендә тренинг уздырылачак. Спикерлар белән бергә катнашучылар хыялланачак һәм теләкләрне тормышка ашыру өчен ресурслар булдырачак. Чара 12:00 сәгатьтә башлана, алдан теркәлергә кирәк. 14:00 сәгатьтә аппликация техникасында текстиль панносы буенча мастер-класс башлана. Катнашучылар «Раштуа. Балачак истәлекләре» темасына эшләр ясаячак. Керү билетлар буенча башкарылачак.
7 нче гыйнвар көнне китапханәдә 10:00 һәм 11:00 сәгатьтә Funny bunny клубы очрашулары узачак. Шулай ук 12:00 сәгатьтә «Атнага бер пластинка» проекты старт ала. Чарада винил язмалары фонды турында сөйләячәкләр һәм аларның кайберләрен тыңлаячаклар. Катнашу өчен теркәлергә кирәк. 13:00 сәгатьтә зин техникасында «Раштуа тарихы» мастер-классы узачак. Керү билетлар буенча башкарылачак.
8 нче гыйнварда шәһәр халкы өчен «Ышанмыйм! Экстрасенслар эшләре ысулларына скептик караш» лекция-тамашасы булачак. Чара 18:00 сәгатьтә башлана. Теркәлү буенча керү ирекле, дип хәбәр итә ТР Милли китапханәсе матбугат хезмәте.
