15-нче балалар бакчасы базасында Түбән Кама шәһәренең милли тәрбия бирүче хезмәткәрләре һәм мөдирләре белән җылы очрашу уздырылды. Биредә Бөтендөнья татар конгрессы Башкарма комитеты җитәкчесе урынбасары, Татарстандагы бүлекчәләр белән эшләү комитеты җитәкчесе Ирек Ильдус улы Шәрипов чыгыш ясады һәм бүләкләр тапшырды.

Очрашу бик җылы, үзара аңлашу, фикерләшүләр, җыр-музыка белән аралашып узды. Катнашучылар мондый чараны район балалар бакчалары мөдирләре һәм җаваплы хезмәткәрләре белән дә бергәләп уздырырга кирәк дигән фикерләргә килделәр. Киләчәгебезнең уңышлы һәм шулай дәвамлы булуына ышанабыз!