Бүген тыл хезмәтчәне Гөлсем Садыйкова үзенең 90 яшьлек юбилеен билгеләп үтә.
Гөлсем Шәрәфетдин кызы тумышы белән БАССРның Төпкилде авылыннан. Сугыш елларында авылдашлары белән колхозда эшли. Ул «Бөек Ватан сугышы елларында фидакарь хезмәт өчен» медале һәм юбилей медальләре белән бүләкләнгән.
Тормыш иптәше Миңнеша Хаҗимөхәммәт улы совет-япон сугышында катнашкан. Алар бер ул һәм ике кыз үстергәннәр.
Лаеклы ялга кадәр Гөлсем Садыйкова озак еллар Гафури бистәсендә эшләгән.
