23 март көнне Түбән Новгород өлкәсе Уразовка авылында Бөтендөнья татар конгрессының 30 еллыгына багышланган Рәшит Нәҗметдинов исемендәге шахмат ярышы узды. 6 районнан 5 команда көч сынашты, барлыгы 60 кеше катнашты.

Катнашучыларны Татарстан Республикасы Премьер-министры урынбасары, Бөтендөнья татар  конгрессының Милли Шура рәисе Васил Шәйхразыев исеменнән БТК  Башкарма комитеты җитәкчесе урынбасары Илгиз Халиков  сәламләде һәм кыйммәтле бүләкләр тапшырды. Шулай ук район башлыгы Ренат Җәлалов  Бөтендөнья татар конгрессына үзенең рәхмәт сүзләрен җиткерде.