Иртәгә, 17 октябрь, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Алтай Республикасына бара.

Биредә Алтай Республикасы башлыгы Олег Хорохордин белән очрашу планлаштырылган. Шулай ук Васил Шәйхразыев 2024 елда Алтай Республикасы территориясендә Гомумтөрки Сабантуйны әзерләү һәм уздыру буенча оештыру комитеты утырышында катнашачак.