Бүген, 11 декабрь, Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Башкортстан Республикасына бара.

Биредә Бөек Ватан сугышында катнашучы, югары квалификация категорияле табиб, медицина фәннәре кандидаты Ә. Ә. Минһаҗетдинов белән очрашу планлаштырылган.  Шулай ук Васил Шәйхразыев Башкортстан Республикасының халык шагыйре Әнгам Атнабаев иҗатына багышланган әдәби-музыкаль кичәдә катнашачак.