Бүген, 25нче май көнне, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев, Яр Чаллы шәһәренә эшлекле сәфәр кысаларында, Туган телләр һәм халыклар бердәмлеге елына багышланган түгәрәк өстәл эшендә катнашты.

Моннан кала Милли Шура рәисе шәһәрнең белем бирү оешмалары белән танышты: алар арасында 39нчы һәм 11нче номерлы мәктәпләр һәм М.Вахитов исемендәге 2нче гимназия. Моннан тыш, “Чишмә” халыклар дуслыгы йортында Яр Чаллы шәһәре муниципаль берәмлеге Башкарма комитетының мәдәният идарәсе җитәкчесе Румил Карамиев белән эшлекле очрашу узды.