Февраль ае дәвамында республикабыз районнарында “Туган телләр һәм халыклар бердәмлеге елы”н ачу тантаналары бара. Әле күптән түгел генә шундый бәйрәмнәр Татарстанның көньяк көнбатыштагы Буа, Тәтеш, Чүпрәле районнарында узган булса, шушы көннәрдә аңа Апас районында да старт бирелде. Башкалардан аермалы буларак, бу көнне Апаска Казанда татар телендәге газета-журнал мөхәррирләре, Пенза, Ульяновск өлкәләреннән ,Чувашиядән татар теле укытучылары һәм милли оешма җитәкчеләре килгән иде. Кунакчыл Апаста үткән туган тел бәйрәменнән Рамис Сафин репортажы