Ульяновск шәһәрендә һәм өлкәнең авыл, районнарында бүген дистәләгән үзешчән татар халык ансамбльләре, театрлары эшләп тора. Аларның кайберләре әле узган гасырның 50-60 нчы елларында ук оешкан. Шушы көннәрдә генә Димитровград шәһәрендә эшләүче “Сүнмәс йолдызлар” татар халык ансамбле дә үзенең чирек гасырлык юбилее уңаеннан “Дуслар җыелган җирдә” дигән иҗат кичәсен уздырды. Күп санлы тамашачылар арасында үз хәбәрчебез Рамис Сафин да бар иде.