Узган тапшыруларыбызда без Ульяновск татар милли-мәдәни автономиясе әгъзаларының тәҗрибә уртаклашу, үзара аралашу һәм эшмәкәрлектә ныклы элемтәләр урнаштыру өчен төрле төбәкләргә сәяхәте хакында сөйләгән идек.

Шушы көннәрдә генә төбәкнең тагын бер төркем милли хәрәкәт активистлары республикабызның көньяк-көнбатышындагы борынгы Тәтеш шәһәрендә булып кайттылар. Быелгы сәяхәт “Укытучылар һәм остазлар елы” кысаларында узганлыктан, төркемдә татар теле укытучылары, балалар бакчалары тәрбиячеләре белән бергә, мәгариф ветераннары да байтак иде. Алар арасында хәбәрчебез Рамис Сафин да бар иде.