Бүгенге чыгарылышта «Медики Удмуртии» дип аталган китап белән танышырга чакырабыз. Китапта “кайнар нокталарда” эшләгән табиблар турында язмалар. Шундый авыр эшләрне милләттәшләребез дә башкарган.
«Асылъяр» балалар фольклор ансамбленең оешуына 2020нче елда 10 ел тулды. Татарстан мәдәният министырлыгының «Асылъяр» – милләтебезнең илһам чишмәсе” проекты нигезендә сәнгать осталары белән очрашулар булып узды. Балалар «Моң дәрьясы ташый куңелдән» дип аталган остаханәләрдә удмурт, татар һәм рус халык уен кораллары белән танышты, аларда уйнау серлэренә төшенде.
