Күп милләтле Россиядә ана телен өйрәнү, глобализация шартларында гаиләдә милли тәрбияне һәм гореф-гадәтләрне саклау… Ульяновск өлкәсе татар хатын-кызлары теплоходта бергә җыелып әнә шул һәм бүген күпләрне борчыган башка проблемалар хакында фикер алыштылар. Әбиләр белән әниләр, мәктәп укытучылары һәм мәдрәсә мөгаллимәләре катнашында узган эшлекле очрашуда яңгыраган кайбер фикерләрне безнең бу төбәктәге үз хәбәрчебез Рамис Сафин да тыңлап кайтты.