Төбәкнең әдәби журналның март саны Бөек Җиңүнең 70 еллыгына багышланып әзерләнгән. Шушы уңайдан Полина Бороздинаның герой-шагыйрь Муса Җәлил тормышына һәм иҗатына багышланган мәкаләсе басылып чыккан.

Бу язмада шагыйрьнең шигъри юлларының лирик, романтик булулары белән бергә гражданлык һәм патриотизм рухы белән сугарылганы билгеләнә. Үткән сугыш һәм аның геройлары батырлыгын кечерәйтеп күрсәтергә теләгән бер заманда Муса Җәлил шәхесе һәм иҗаты ватансөярләрне рухландырып тора дип яза Бороздина.