13 апрельдә К. Тинчурин исемендәге Татар дәүләт драма һәм комедия театрында Биектау артистлары тарафыннан спектакль көтелә. Исеме дә үзгә – “Сөюләрең чын булса…” дип атала. Режиссёры – Раушан Шәриф. Аның тырышлыгы белән әсәрнең сюжеты башка линия алган: бу сценарий татар драматургиясен яратучыларга таныш һәм ул “Галиябану”ның үзгәргән тарихын чагылдыра. Ул шулай ук мюзикл булып кала бирә.
Артистлар фикеренчә, әлеге спектакль үзенчәлекле, милли булуы белән аерылып тора. Анда татар халкының гореф-гадәтләре яхшы чагыла, кичке уеннар, аулак өйләр күрсәтелә.
