Танылган галим, профессор, Казахстанның татар-башкорт ассоциациясе президенты Гриф Хәйруллин редакциясе белән чыгарылган “Казахстандагы татарлар” энциклопедик сүзлеге Татарстанның Казахстандагы көннәре башланыр алдыннан дөнья күрде. Сүзлеккә Казахстан белән бәйле татар милләтеннән булган танылган шәхесләрнең биографик белешмәләре урнаштырылган. Автор басманы тәкъдим иткәндә билгеләп үткәнчә, энциклопедиягә кергән шәхесләр татар халкының горурлыгы. Гриф Хәйруллин чыгышыннан соң һәркем үз фикерен белдерде.  

Чаллы шәһәренең 12нче татар китапханәсендә язучы, тарихчы, җәмәгать эшлеклесе Фәүзия Бәйрәмова белән очрашу булды. Бу очрашуның төп темасы - тарихчы Михаил Худяковның 120 еллыгы һәм язучы Фәүзия Бәйрәмованың яңа чыккан "Сахалин утравы һәм татарлар" китабын халыкка тәкъдим итү булды.