Халкыбызның милли бәйрәме Сабантуйлар дәвам итә. 6 июльдә Иглин районының Олы Теләк авылында Хәсән Идиятуллинның фермер хуҗалыгында Башкортстан татарлары конгрессы Сабантуй үткәрәчәк.
Сабантуй Иглин районы хакимияте булышлыгы белән үтә.
Программада – ат чабышлары, спорт ярышлары, халык уеннары, балалар сабантуе, авиашоу. Җиңүчеләрне кыйммәтле бүләкләр көтә.
Сабантуйның мәдәни программасында Башкортстан һәм Татарстанның сәхнә осталары катнаша.
Бәйрәм сәгать 10да башлана.
