Бүген Бөтендөнья татар конгрессы Башкарма комитеты рәисе Ринат Закиров Башкортстан Республикасының Кырмыскалы районы вәкилләре белән очрашты.

Очрашу барышында Ринат Закиров конгрессның якындагы планнары турында сөйләде һәм кунакларның гозерләрен тыңлады. Кырмыскалылар, үз чиратында, райондагы яңалыклары белән уртаклаштылар. Шулай ук Татарстаннан читтә яшәүче татар балаларына ярдәм итү мәсьәләсе дә күтәрелде.