Бүген, 1 апрель көлке һәм шаярту көне. Инде совет чорыннан килгән күркәм традицияне яңартып, язучыларның Тукай клубында шаяннар һәм тапкырлар мәҗлесе оештырылды. Каләм осталары кемнәрдән һәм ни өчен көлә?
Язучылар берлеге шаяннар Һэм тапкырлар мәҗлесендә җыелдылар. Иҗади кичәнең төп максаты – шаяртырга, җырларга, күңел ачырга, татар мөхите белән тагында якынрак танышырга.
Әлеге кичәнең алып баручылары- Азат Зарипов һәм Илназ Миңнеханов- аеруча тамашачының игътибарын җәлеп итте. Танылган шагыйрьләр, иҗат сөючеләр сәхнәдә чыгыш ясап күпләрне таң калдырды.
