6 июльдә 10:00 сәгатьтә «Татар-информ» мәгълүмат агентлыгында егетләр һәм кызлар өчен 12 нче мөселман яшьләре форумнарын уздыру турында татар һәм рус телләрендә матбугат конференциясе уза.
Журналистлар белән очрашуда Татарстан мөфтиенең беренче урынбасары Илфар хәзрәт Хәсәнов, ТР мөселманнары Диния нәзарәтенең социаль үсеш бүлеге җитәкчесе Айгөл Биктимирова чыгыш ясаячак. Алар яшь мөселманарны рухи-әхлакый һәм физик яктан тәрбияләүгә юнәлдерелгән проектның үзенчәлекләре турында җентекләп сөйләячәк.
