Бүген Апас районы үзәге гармун моңыннан яңгырап торды. Биредә гармунчылар өчен оештырылган “Гармун моңы-йөрәк җыры” фестиваленең йомгаклау туры уза. Чара башта район авылларында оештырылып, иң оста гармунчылар сайлап алынды.

Бүген Апаста 100гә якын үзешчән чыгыш ясый. Аларны Татарстан мәдәният министры урынбасары Ленар Хәсәнҗанов сәламләде. Бәйрәмгә кунак итеп күрше Тәтеш, Буа, Кама Тамагы районнарының да гармунчылар чакырылган. Бәйрәм мәйданында, шулай ук,  Казаннан кайткан сәнгать әһелләре дә үз осталыгын күрсәтте.

Рамис Сафин