Бөтендөнья татар конгрессының Милли Шура рәисенең беренче урынбасары – Бөтендөнья татар конгрессы Башкарма комитеты җитәкчесе Данис Шакиров эшлекле сәфәр белән Мордовия Республикасына  килде.

Идел буе Болгар дәүләтендә Ислам динен кабул итүгә 1100 ел тулуга багышланган конференциядә катнашудан тыш, Данис Шакиров Мордовия Республикасы вице-премьеры Инсаф Хәйруллин һәм Мордовия Республикасы мәдәният министры Светлана Баулина белән очрашты. Очрашуда Мордовия Республикасында Бөтенроссия авыл Сабантуен уздыру турында фикер алыштылар.