Бөтендөнья татар конгрессының һәр елны Россия төбәкләрендә эшләүче татар автономияләре һәм милли оешма җитәкчеләре катнашындагы күчмә утырышларын уздыру традициягә керде. Ул ел дәвамында илебезнең җиде федераль округында да үтә. Узган атнада Саратов шәһәренә Идел буе федераль округына керүче өлкә һәм республикалардан милли хәрәкәт лидерлары җыелды. Алар арасында Рамис Сафин да бар иде.