Омски шәһәрендә “Татар дөньясы” исемле газетасының гыйнвар саны дөнья күрде. Газета 
битләрендә укучылар өлкәдә уздырылган “Халкым минем-дәрьям минем” бәйгесе, районнардан хәбәрләр, 430 еллык Ташеткан авылы, Омск татарлары арасында танылган җырчы, “Татар моңы” телевизион конкурсы лауреаты яшь җырчы Шахзат белән әңгәмә һәм башка төрле кызыклы язмалар белән таныша ала.
“Татар дөньясы” газетасы 2003 елдан Омски шәһәр татар милли-мәдәни мохтарияте тарафыннан татар меценаты Тамир Алимбай улы Алимбаев ярдәме белән нәшер ителә.
