Бүген Казан шәһәрендә “Милли тормыш һәм дин” XIV Бөтенроссия татар дин әһелләре форумы башланды. Форумда Татарстаннан һәм Россиянең төрле төбәкләреннән якынча 1100 делегат катнаша. Алар өчен бай программа әзерләнгән.
Бүген делегатлар “Russia Halal Expo 2023” күргәзмәсе белән таныша. Russia Halal Expo Россиядә инвестиция һәм инфраструктура белән бәйле проектлар тәкъдим ителә торган зур күргәзмәләрдән санала.
Күргәзмәдә ислам икътисады башлангычлары, файдалы технологик альянслар, B2B-проектлары, зур бизнес, кече һәм урта эшкуарлык субъектлары продуктлары тәкъдим ителгән.
