Түбәтәйле робот этләр, чит ил деликатеслары һәм көн буена таратылган меңләгән туңдырма. Быел КазанФорумда рәсми очрашулардан ял итеп алу өчен нинди генә мөмкинлек юк. Хәтта эшлекле әңгәмәләр узучы залларны да үзенчәлекле исемнәр белән атаганнар, һәр нәрсәгә игътибар биргәннәр. Волонтёрлар берничә телдә исәнләшә, аш-су осталары милли ризыклар белән сыйлый, кунаклар виртуаль чынбарлык дөньясына чума.