Татарстан Республикасы Премьер‑министры урынбасары, Бөтендөнья татар конгрессы Милли Шура рәисе Васил Шәйхразыев Кыргызстандагы эшлекле сәфәрен дәвам итә. Монда ул Кыргызстан Республикасы министрлар Кабинеты Рәисе урынбасары Эдиль Байсалов белән рәсми очрашу үткәрде.

Очрашу барышында алар Татарстан һәм Кыргызстан арасындагы ике яклы хезмәттәшлекне үстерү буенча сөйләшү алып барды. Яклар багланышларның төп юнәлешләренә кагылышлы мәсьәләләрнең киң даирәсе буенча фикер алыштылар.