Ульяновск татар мәдәният үзәгендә бөек татар шагыйре Габдулла Тукайга багышлап ел саен уза торган «Тукай әсәрләре минем күңелдә» дип аталган балалар арасында уздырылган рәсем конкурсына йомгак ясалды.
Конкурска өлкәдәге шәһәр, авыллардан 500 гә якын эш кабул ителде. Анда татар балалары белэн бергә башка милләт вәкилләре дә ел саен бик теләп катнаша.
Җиңүчеләргә буләк, дипломнарны жюри рәисе Россия рәссамнары берлеге әгъзасы, Халыкара А.Пластов премиясе лауреаты, Татарстанның атказанган сәнгать эшлеклесе Ирек Нуртдинов тапшырды.
