Фәтхи Бурнашның 120 еллыгына багышлап зур тантана үткәрелә

Чарага башкалабызның һәрбер мәктәбеннән, балалар бакчасыннан, оешмалардан 1 вәкил чакырулы

Финляндия татарлары иҗади интеллигенциясенең күренекле вәкиле музыкант, SUPER TATAR Rhythm & Etno Band төркеме солисты, Дениз Бәдретдин Бөтендөнья татар конгрессында кунакта булды.

Бүген Бөтендөнья татар конгрессы Башкарма комитеты җитәкчесе Ринат Закиров Самара өлкәсенең Сызрань шәһәре имам-мөхтәсибе Илгизәр хәзрәт Сәгъдиев белән очрашты.

Һәр төбәк татарларының кечкенә булса да газетасы, интернет сәхифәсе, радио-телевизор тапшырулары булу, журнал,, китап чыгару төбәк татарларының һәм милли оешманың тарихын, бүгенгесен чагылдыру инкыйразга каршы торырга ярдәм итәр иде.

Бүген, 6 декабрь көнне, Чуваш республикасының Чабаксар шәһәрендә "Кәрван-мирас" фестиваленең йомгаклау өлеше узачак. Бөтендөнья татар конгрессы аппаратыннан башкарма комитет җитәкчесенең беренче урынбасары Данис Шакиров катнашуы көтелә.

Төркиянең баш консулы Турхан Дилмач Татарстандагы эшчәнлеген тәмамлый. Бу көннәрдә ул Казанда рәсми затлар белән саубуллашып йөри. Саубуллашу кысаларында бүген, 5 декабрь көнне, Баш Консул Бөтендөнья татар конгрессы Башкарма комитеты җитәкчесе Ринат Закиров белән очрашты.

“Татарстанның эшлекле хезмәттәшләре” форумына нәтиҗә ясап, Васил Шәйхразиев: “Алабугада үткән форум милләттәшләр, җитәкчеләр белән уртага салып сөйләшү нәтиҗәсендә эффектив эшләп булганны күрсәтте, – диде. – Киләсе елга без эшмәкәрләргә яңа мөмкинлекләр, идеяләр тәкъдим итәргә тиеш. Бу – безнең уртак эш”.

Узган атнада республикада үткән «Татарстанның эшлекле хезмәттәшләре» форумы Россиянең 37 төбәгеннән, 13 илдән 150 татар эшмәкәрен берләштерде. Әлеге җыенның нәтиҗәләре һәм Бөтендөнья татар конгрессының планнары хакында Татарстан Республикасының премьер-министры урынбасары, Милли Шура рәисе Васил Шәйхразиев белән сөйләштек.

29 ноябрь көне Бөтендөнья татар конгрессы киңәйтелгән утырышының пленар өлешендә татар конгрессының рәсми сайты редактор-модераторы Әлфия Миңнуллинага ТР Президенты Указы белән "Татарстан Республикасының Атказанган матбугат һәм массакүләм коммуникацияләр хезмәткәре" дигән мактаулы исем бирелде. Шулай ук бу көнне Татарстан Республикасы Мәдәният министрлыгының күкрәк билгесе белән Бөтендөнья татар конгрессы җитәкчесенең I урынбасары Данис Шакиров, Мәдәният министрлыгының Мактау грамоталары белән Россия Федерациясе төбәкләрендәге татар иҗтимагый берләшмәләре белән эшләү бүлеге баш референты Гөлназ Нигъмәтуллина һәм Бөтендөнья татар конгрессының баш референты Люция Кутузова бүләкләнделәр. Конгресс хезмәткәрләренә әлеге дәрәҗәле бүләкләрне Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев тапшырды.  30 ноябрь көнне “Татарстанның эшлекле хезмәттәшләре” форумының пленар утырышында Татарстан Республикасы Президенты Р.Н. Миңнеханов Мәгълүмат-аналитика идарәсе җитәкчесе Гөлназ Шәйхиеваны һәм Бөтендөнья татар конгрессының баш референты Илдар Мингәрәевне Рәхмәт сүзе белән бүләкләде.  Бөтендөнья татар конгрессы хезмәткәрләрен әлеге уңышлары белән чын күңелдән тәбрик итәбез.