Бүген, 26 апрель көнне, халкыбызның газиз улы, бөек шагыйре Габдулла Тукайның туган көне. Шушы уңайдан мәркәзебез Казанда ел саен Габдулла Тукай мәйданында урнашкан һәйкәлгә чәчәкләр салу тантанасы уза. Бүген дә татар җәмәгатьчелеге биредә җыелды.
Чарада Бөтендөнья татар конгрессы Башкарма комитеты хезмәткәрләре дә катнашты. Татар конгрессы исеменнән Г.Тукай һәйкәленә чәчәкләрне Бөтендөнья татар конгрессы Башкарма комитеты җитәкчесе Данис Шакиров һәм Бөтендөнья татар конгрессы Башкарма комитеты җитәкчесенең урынбасары Марс Тукаев салдылар.
