30 октябрьдә Бөтенроссия татар төбәк тарихын өйрәнүчеләр җыенының пленар утырышы узды.

Форумда илнең 41 төбәгеннән 150дән артык делегат катнашты. Форум, биредә күтәрелгән проблемаларны тикшереп, шундый резолюция кабул итте: чараны “Гомумтатар төбәк тарихын өйрәнүчеләр җәмгыяте”н оештыру юнәлешендә беренче адым дип санарга; урыннарда җәм гыятьнең төбәк бүлекчәләрен оештырырга, алар оешкач, оеш маның съездын үткәрергә; татар һәм урыс телләрендә квартал саен чыга торган “Туган як” (“Родной край”) махсус журналын булдырырга; Татарстан академик институтлары белән берлектә күптомлы “Татар авыллары тарихы” программасының проектын әзерли башларга.Пленар утырыш эшен Төбәк тарихын өйрәнүчеләрнең эшлекле советын сайлау-төзү белән тәмамлады.