Татарстан Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев Мурманск шәһәренә эш сәфәре белән бара. Биредә ул өлкә губернаторы А.В. Чибис белән очрашачак.

Милли Шура рәисенең килүен Мурманск өлкәсендә милләттәшләребез дә көтә. Васил Шәйхразыев Төньяк-Көнбатыш федераль округындагы татар оешмалары җитәкчеләре белән очрашачак. Чарада узган елга нәтиҗәләр ясалырга тиеш һәм 2022 нче елга эш  планы каралачак.