Канаданың Монреаль шәһәрендәге “Мирас” татар мәдәнияте үзәге дә Татарча диктант акциясенә кушылды. Диктанты үзәк җитәкчесе Зилә Миргалиева укыды. Җыелган милләттәшләребез мондый чараларның халкыбызны берләштерүдә роле зур булуын ассызыкладылар.

Акция бөтен дөньяда яшәүче татарларны берләштерүгә, әдәби татар телен белүгә кызыксынуны арттыруга, орфографик һәм грамматик хаталарны тикшерүгә, татар теленә мәхәббәт тәрбияләүгә юнәлдерелгән. Быел бөтендөнья акциясе сигезенче тапкыр уза.