Әлфия Айдарская Апас туган якны өйрәнү музеена, Тутайда урнашкан Сара Садыйкова, Шәмбалыкчыдагы Фәхри Насретдинов һәм Бану Валеева, Олы Бакырчыда Шәүкәт Галиев исемендәге йорт музейларына, шулай ук Үзәк китапханәгә, балалар музыка мәктәбенә “Мәңгелек юлында…” китабын тапшырылды.
Әлеге басмада Сара Садыйковага багышланган XX-XI гасырлар газета-журналларда басылган мәкаләләр, истәлекләр, багышлаулар, фото-материаллар тупланган.
Әлфия Айдарская күп еллар Муса Җәлил исемендәге Татар дәүләт опера һәм балет театрының әйдәп баручы солисты, үз вакытында Тутай авылындагы музейның җитәкчесе дә булып хезмәт куйган олы хөрмәткә ия шәхес. Әтисе театр артисты, режиссер Газиз Исхак улы Айдарский һәм әнисе Сара Садыйкова исемен мәңгеләштерү эше белән шөгыльләнә, алар хакында күп санлы китапларның авторы да ул.
