Район мәдәният йортында узган “Татар кызы”, “Татар егете” бәйгесендә аграр көллият студентлары катнашты. 7 кыз һәм 7 егет үзләренең сәләтләрен, уңганлыкларын исбатлады.

“Милли традицияләрне саклау, үстерү, яшьләрне шул традицияләрдә тәрбияләү максатыннан, “Татар кызы”, “Татар егете” бәйгесен оештырырга уйладык. Бәйгебез аграр көллият студентлары белән берлектә уза. Яшьләр замана сулышына туры китереп үзләренең осталыкларын, сәхнәдә үз-үзләрен тотышларын, сәнгатькә тартылышларын һәм спорт ягыннан көчләрен күрсәтәчәк”, – диде мәдәният хезмәткәре Айрат Гайнетдинов.

Егет-кызлар сәхнәдә үзләрен кыю тотты. Алар бар яктан да сыналды.

Чыганак: apastovo.ru