Без яшь әниләр белән хәзер һәр якшәмбе паркка җыелабыз. Яңа проект дисәм дә була. Кызыклы һәм үзенчәлекле, дип хәбәр итә Австралиядән Финзия Газизова. Оештыручы – Австралиядә туып үскән, татар телен су кебек эчкән, ике кечкенә кызчык әнисе – Зөһрә Садри. “Очрашуны һәммәбезгә хәерле иртә теләп башлыйбыз. Җырлы уеннар аша кечкенәләргә ана телебезне сеңдерәбез. 10нан артык бала. Татарча әкиятләр укыйбыз, мультфильмнар карыйбыз. Балаларга гына түгел, әти-әниләргә дә бик кызык. Зөһрә күп кенә инглиз китапларын татарчага тәрҗемә иткән,”- ди Финзия.
