Яңа ел бәйрәме алдыннан Азнакайдагы “Ак калфак” оешмасына тупланган ханымнар солдат хезмәтендәге якташ егетләргә тәбрикләү хатлары язарга дип җыелдылар.
Азнакайдагы “Ак калфак” татар хатын-кызлары оешмасы җитәкчесе Элвира Галиевабу чара турында: “Бик күп төрле тәрбия чаралары үткәрәбез, тормышның барлык якларын искә алабыз, алар арасында үз илең, үз Ватаныңның чын кешеләрен тәрбияләү әһәмиятле урын алып тора. Районда яшәүче аналар исеменнән солдат бурычын үтәүче егетләребезгә хатлар җибәреп торабыз, изге теләкләребезне юллыйбыз”, – дип сөйләде.
