Азнакай үзәк китапханәсендә Татарстанның атказанган сәнгать эшлеклесе, язучы-шагыйрь, Нур Әхмәдиевне искә алу кичәсе узды. 14 декабрьдә аңа 75 яшь тулган булыр иде.
Очрашуда Нур абыйның тормыш иптәше Венера ханым, оныгы, каләмдәшләре, китапханәчеләр катнашты. Алар истәлекләре белән уртаклаштылар. Венера ханым Нур абыйның китапларын бүләк итте. Кичәне җылы итеп, язучының биографиясендәге төп мизгелләргә туктала-туктала, Ләйсән Габдуллина алып барды.
